සැබෑ වෙනසකට පාගමන ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්වුණා. පාසල් පද්ධතිය තුළ ළමයින්ට සිදුවන ශාරීරික දඩුවම් 2020 වසර වන විට තුරන් කිරීම අවධාරණය කරමිනුයි මෙය පැවැත්වුණේ.
නිදහස් චතුරස්‍රය අසලින් ආරම්භ වුණූ පාගමනට විශාල පිරිසක් එක් වුණා. ශ්‍රී ලංකාව ඇතුළු රටවල් 131 ක් ළමා හිංසනයට විරුද්ධව ක්‍රියාමාර්ග ගෙන තිබෙනවා. මෙම සාධක සැළකිල්ලට ගනිමින් පාගමන සංවිධාන කළේ ළමා හිංසනයට තිත සංවිධානයයි. ශ්‍රී ලංකාව තුළ ශාරීරික දඩුවම් අවසන් කිරීම සදහා වූ පංච මහා යෝජනාව සහ අත්සන් තුන්දහසකින් සමන්විත සංදේශයක් ද ළමා හිංසනයට තිත සංවිධානයේ ඔටාරා ගුණවර්ධන මහත්මිය , ජනාධිපතිතුමා වෙත මෙහිදී ලබාදුන්නා. අමාත්‍ය විජේදාස රාජපක්ෂ , ළමා හිංසනයට තිත සංවිධානයේ සභාපති වෛද්‍ය තුෂ් වික්‍රමනායක යන මහත්වරුන් ඇතුළු පිරිසක් මීට එක්ව සිටියා.
Post a Comment