අනිවාර්ය නිවාඩු යවා සිටින පොලිස්පති පුජිත් ජයසුන්දර මහතා ගොනුකර ඇති මුලික අයිතිවාසිකම් පෙත්සම සලකා බැලීමට ශ්‍රේෂ්ඨාධිකරණය දින නියම කළා. ඒ සැප්තැම්බර් 17 වනදාට.
අනිවාර්ය නිවාඩු යැවීමට ජනාධිපතිවරයා ගත් තීරණය අහෝසි කරන අතුරු තහනම් නියෝගයක් නිකුත් කරන ලෙස ඉල්ලා පුජිත් ජයසුන්දර මහතා මෙම පෙත්සම ගොනුකර තිබෙනවා. පෙත්සම අද (31) කැදවනු ලැබුයේ ද්විපුද්ගල විනිසුරු මඩුල්ලක් ඉදිරියේ. සැප්තැම්බර් 17 වනදාට එය ත‍්‍රිපුද්ගල විනිසුරු මඩුල්ලක් ඉදිරියේ කැදවන බව ද ශ්‍රේෂ්ඨාධිකරණය ප‍්‍රකාශ කළා. පෙත්සමෙහි හතරවන වගඋත්තරකරු ලෙස නම්කර ඇති ජනාධිපති ලේකම්වරයා දිවුරුම් ප‍්‍රකාශයක් මගින් විරෝධතා ගොනුකර ඇති බව නිතිපතිවරයා ශ්‍රේෂ්ඨාධිකරණයට දැනුම් දුන්නා.
2018 වසරේ ඔක්තෝබර් මාසයෙන් පසු තමාට ජාතික ආරක්ෂක මණ්ඩලයේ රැස්වීමක් සදහා ආරාධනා ලැබී නොමැති බවයි පුජිත් ජයසුන්දර මහතා පෙත්සමෙන් කරුණු දක්වා තිබෙන්නේ. තමා අනිවාර්ය නිවාඩු යැවීමට ජනාධිපතිවරයා ගත් තීරණය හේතුවෙන් ආණ්ඩුක‍්‍රම ව්‍යවස්ථාවේ සදහන් සමානව සැලකීමේ මුලික අයිතිවාසිකම උල්ලංඝණය වී ඇති බව පොලිස්පතිවරයා පෙන්වා දෙනවා.
The post පුජිත් ජයසුන්දරගේ මුලික අයිතිවාසිකම් පෙත්සම සලකා බැලීමට දින නියම කෙරේ appeared first on ITN News.
Post a Comment