ත්‍රිපිටක සංරක්ෂණ මණ්ඩලයේ සාමාජිකයන් වෙත පත්වීම් ලිපි පිලිගැන්වීම ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් සිදු කෙරුණා.
ත්‍රිපිටක සංරක්ෂණ මණ්ඩලය පත් කළේ ජනාධිපති මෛත්‍රීපාල සිරිසේන මැතිතුමායි.මල්වතු පාර්ශ්වයේ අනුනායක පූජ්‍ය නියංගොඩ විජිතසිරි, අස්ගිරි පාර්ශ්වයේ අනුනායක පූජ්‍ය ආනමඩුවේ ධම්මදස්සි, සෝමාවතී රජමහා විහාරාධිපති පූජ්‍ය පහමුණේ සුමංගල, පූජ්‍ය මැදගම ධම්මානන්ද, පූජ්‍ය ත්‍රිකුණාමලයේ ආනන්ද යන ස්වාමීන්වහන්සේ මෙහි මූලිකත්වය දරනවා. ගිහිපැවදි සාමාජිකයින් 43 දෙනෙකුගෙන් මෙම මණ්ඩලය සමන්විතයි.
ත්‍රිපිටකය ජාතික උතුරුමයක් බවට පත් කිරීමට ජනාධිපතිතුමා පසුගියදා පියවර ගත්තා. ත්‍රිපිටකට ලෝක උරුමයක් බවට සංරක්ෂණය කිරීමේ වැඩපිලිවෙල සකස් කර තිබෙනවා. රාජ්‍ය නායකයකු සම්බුද්ධ ශාසනය වෙනුවෙන් සපුරාලූ ඓතිහාසික කාර්ය භාරය සනිටුහන් කරමින් ජනාධිපතිතුමා එම වගකීම ඉටුකර තිබෙනවා. ත්‍රිපිටක සංරක්ෂණ මණ්ඩලයේ අනුමැතියකින් තොරව එය නැවත මුද්‍රණය හෝ සංස්කරණය තහනම් වනු ඇති.
The post ත්‍රිපිටක සංරක්ෂණ සාමාජිකයින්ට ජනපතිගෙන් පත්වීම් ලිපි appeared first on ITN News.
Post a Comment