ගම්පහ දිස්ත්‍රික්කයේ පැවැත්වෙන රට වෙනුවෙන් එකට සිටිමු ජාතික සංවර්ධන වැඩසටහනේ තුන්වන දිනය අදයි.
ජනාධිපතිතුමාගේ සංකල්පයකට අනුව ජනාධිපති ලේකම් කාර්යාලයේ මෙහෙයවීමෙන් දිස්ත්‍රික් ලේකම් කාර්යාල මට්ටමින් රට වෙනුවෙන් එකට සිටිමු ජාතික සංවර්ධන වැඩසටහන ක්‍රියාත්මක වනවා. ගම්පහ දිස්ත්‍රික්කයේ ප්‍රාදේශීය ලේකම් කොට්ඨාස 13 ක් ඉලක්ක කරගනිමින් ක්‍රියාත්මක රට වෙනුවෙන් එකට සිටිමු වැඩසටහනින් මෙතෙක් නොවිසිදුනු ජනතා ගැටලුවලට විසදුම් ලබාදීම සිදු කෙරෙනවා. හැදල ඇලකන්ද ප්‍රදේශයේදී මව්වරුන් වෙනුවෙන් විශේෂ පෝෂණ වැඩසටහනක් පැවැත්වුණා. රාගම මූලික රෝහලේ වෛද්‍යවරුන් ඇතුළු පිරිසක් ඊට එක්ව සිටියා. ජනාධිපති සහකාර ලේකම් දිනූෂා සිරිවීර මහත්මිය මෙන්ම රාජ්‍ය නිලධාරීන්ද සහභාගී වී සිටින මෙම වැඩසටහන්වලදී මත්ද්‍රව්‍ය භාවිතයේ ආදීනව පිළිබඳවද ජනතාව දැනුවත් කිරීම සිදු වුණා. ඒ ජනාධිපති මත්ද්‍රව්‍ය නිවාරණ කාර්ය සාධක බළකායේ මූලිකත්වයෙන්. මේ අතර වත්තල ප්‍රාදේශීය ලේකම් කාර්යාලයේදී රෝද පුටු හා අත්වාරු පිරිනැමීමක් ද සිදු වුණා.
The post “රට වෙනුවෙන් එකට සිටිමු” ගම්පහ දිස්ත්‍රික් සංවර්ධන වැඩසටහනේ තුන්වන දිනය අද appeared first on ITN News.
Post a Comment