දෙමටගොඩ මිහිදුසෙන්පුර මහල් නිවාසය අසල ත්‍රිරෝද රථයක සඟවා තිබූ හෙරොයින් ග්‍රෑම් 320 යි මිලිග්‍රෑම් 200 ක් පොලීසිය සොයා ගත්තා. ඒ බස්නාහිර පළාත් දූෂණ මර්දන ඒකකය කළ වැටලීමකදියි. හෙරොයින් සමග සැකකරුවෙකු ද අත්අඩංගුවට ගත් අතර ඔහු මත්ද්‍රව්‍ය ජාවාරමේ ප්‍රධාන පුද්ගලයෙකුගේ ගෝලයෙකු වන රවී නමැත්තා බවයි පොලීසිය සඳහන් කරන්නේ.
මේ අතර රත්මලාන ප්‍රදේශයේ කළ වැටලීමකදී හෙරොයින් ග්‍රෑම් 4 යි මිලිග්‍රෑම් 500 ක් සමග සැකකරුවන් දෙදෙනෙකු අත්අඩංගුවට ගත් බව පොලීසිය ප්‍රකාශ කළා. ගල්කිස්ස කන්දේමුල්ල ප්‍රදේශයේ විශේෂ කාර්ය බලකාය කළ වැටලීමකදී ටී 56 ගිනි අවියකට යොදන පතරොම් 255 ක් සොයාගෙන තිබෙනවා. මිලිමීටර නවය වර්ගයේ පතරොම් 4 ක් හා මයික්‍රෝ වර්ගයේ පතරොම් 3 ක් සමග සැකකරුවෙකු හා ඊට ආධාර අනුබල දුන් තවත් 3 දෙනෙකු අත්අඩංගුවට ගෙන තිබෙනවා.
The post හෙරොයින් ග්‍රෑම් 320 යි මිලිග්‍රෑම් 200 ක් සොයා ගැනේ appeared first on ITN News.
Post a Comment