ඊයේ (01) දිනය තුළ අපේ රටෙන් තවත් කොරෝනා ආසාදිත වූ 557 දෙනෙකු හදුනා ගත්තා.
ඊයේ දිනය තුළ මෙරටින් වාර්තා වූ කොරෝනා ආසාදිතයින් 557 දෙනා අතර විදේශගතව සිට මෙරටට පැමිණි පුද්ගලයින් දෙදෙනෙකු ද වනවා. වැඩිම ආසාදිතයන් පිරිස වූ එකසිය අනූ දෙදෙනෙකු හමු වී ඇත්තේ කොළඹ දිස්ත්‍රික්කයෙන්. ගම්පහ දිස්ත්‍රික්කයෙන් ආසාදිතයින් 127 දෙනෙකු සහ කළුතරින් ආසාදිතයින් 61 දෙනෙකු ඊයේ හදුනාගත් පිරිසට ඇතුළත්.
ඒ අනුව මිනුවන්ගොඩ පෑලියගොඩ කොරෝනා පොකුර 40000 ඉක්මවා ගියා. එම පොකුරෙන් මේ දක්වා වාර්තා වී ඇති ආසාදිතයින් සංඛ්‍යාව 40104 ක්. අද උදෑසන වන විට මෙරටින් වාර්තා වී ඇති සමස්ත කොරෝනා ආසාදිතයින් සංඛ්‍යාව 43856 ක්. ඉන් 7497 දෙනෙකු තවදුරටත් රෝහල්ගතව ප්‍රතිකාර ලබනවා. ඊයේ දිනයේ කොරෝනා ආසාදිතයින් 826 දෙනෙකු පූර්ණ සුවය ලබා රෝහල්වලින් පිටව යාමත් සමග මෙරට සුවය ලැබූ කොරෝනා ආසාදිතයින් සංඛ්‍යාව 36154 දක්වා ඉහළ ගියා.
තවත් කොරෝනා මරණ 04 ක් ඊයේ වාර්තා වුණා. ආලයඩිවේම්බු පදිංචි 60 හැවිරිදි පුද්ගලයෙක්, කොළඹ 14 පදිංචි 91 හැවිරිදි කාන්තාවක්, අගලවත්ත පදිංචි 65 හැවිරිදි පුද්ගලයෙකු හා දර්ගා නගරයේ පදිංචි 63 හැවිරිදි පුද්ගලයෙකු මෙසේ මියගිය පිරිසට ඇතුළත්. ඒ අනුව මෙරටින් වාර්තා වූ කොරෝනා මරණ සංඛ්‍යාව 208 ක්.
විදේශයන් හි සිටි පුද්ගලයින් 159 දෙනෙකු අද උදෑසන කටුනායක ගුවන් තොටුපලින් මෙරටට ලගා වුණා. ඔවුන් ත්‍රිවිද හමුදාව පාලනය කරන නිරෝධායන මධ්‍යස්ථාන කරා යොසු කෙරුණු අතර මේ වන විට එම මධ්‍යස්ථාන තුළ නිරෝධායනය වෙමින් සිටින පුද්ගලයින් සංඛ්‍යාව 4915 ක්. ඊයේ දිනය තුළ මෙරටදී පීසීආර් පරික්ෂණ 14595 ක් සිදු කළ බව සෞඛ්‍ය අංශ සදහන් කළා.
The post ඊයේ දිනය තුළ කොරෝනා ආසාදිතයින් 557ක් appeared first on ITN News.
Post a Comment