පෑලියගොඩ නව මැනිං වෙළෙදපොළ ආශ්‍රිතව සිදු කළ පී සී ආර් පරික්‍ෂණවලදී පුද්ගලයන් 7 දෙනෙකුට කොරෝනා වෛරසය ආසාදනය වී තිබෙනවා.
එම ප්‍රදේශය භාර මහජන සෞඛ්‍ය පරීක්ෂකවරයා සඳහන් කළේ පසුගිය 30 වනදා වෙළඳසැල් හිමියන්, සේවකයින් සහ පාරිභෝගිකයින් ඉලක්ක කරගෙන පී.සී.ආර්. පරීක්ෂණ 120 ක් සිදුකළ බවයි.
මේ අතර හුදෙකලා කළ පාදුක්ක ගලගෙදර නැගෙනහිර ග්‍රාම නිලධාරී වසමෙන් හා උඩුමුල්ල පෞද්ගලික ඇගලුම් කර්මාන්ත ශාලාවකින් කොරෝනා ආසාදිතයන් 8 දෙනෙකු හදුනාගෙන තිබෙනවා. ගලගෙදර නැගෙනහිර ප්‍රදේශයෙන් නව ආසාදිතයන් 3 දෙනෙකු හා ඇගලුම් කම්හලේ කොරෝනා ආසාදිත වූවන්ගේ ආශ්‍රිතයන් 5 දෙනෙකු ද මෙසේ හදුනා ගත් බව පාදුක්ක සෞඛ්‍ය වෛද්‍ය නිලධාරී දුමිත්‍ර කහන්ගම මහතා සදහන් කළා.
The post පෑලියගොඩ නව මැනිං වෙළඳපොලේ 7කට කොරෝනා appeared first on ITN News.
Post a Comment