ඇමෙරිකාවෙන් දෛනිකව වාර්තා වන කොරෝනා වයිරස ආසාදිතයින් හා මරණ සංඛ්‍යාව යළිත් වරක් ඉහළ ගොස් තිබෙනවා.
ගත වූ පැය 24 ට ඇමෙරිකාවෙන් හමු වී ඇති කොරෝනා වයිරස ආසාදිතයින් සංඛ්‍යාව එක්ලක්ෂ අසූදහසකට අධිකයි. සිදුව ඇති මරණ සංඛ්‍යාව 1811 ක්. ඇමෙරිකාවෙන් දෛනිකව වාර්තා වන වයිරස ආසාදිතයින්ගෙන් සියයට හැත්තෑව ඉක්ම වූ සංඛ්‍යාවක් ඔමික්‍රෝන් ආසාදිතයින් බවයි එරට සෞඛ්‍ය අංශ සදහන් කරන්නේ. තත්ත්වය පාලනයට නිසි පියවර නොගතහොත් ඉදිරි සති කිහිපය තුළ සෞඛ්‍ය ධාරිතාව ඉක්මවනු ඇති බවට බලධාරීන් අනතුරු අගවනවා.
මේ අතර ලොව පුරා රටවලින් හමු වී ඇති සමස්ත වයිරස ආසාදිතයින් සංඛ්‍යාව විසිහත් කෝටි හැටපන්ලක්ෂය ඉක්මවා ගියා. සිදුව ඇති මරණ සංඛ්‍යාව පනස්තුන්ලක්ෂ අසූහතර දහස් හයසිය දහනවයක්.
The post ඇමෙරිකාවෙන් දෛනිකව වාර්තා වන කොරෝනා ආසාදිතයින් හා මරණ සංඛ්‍යාව යළිත් ඉහළට appeared first on ITN News.
Post a Comment