අද්මිරාල් ඔෆ් ද ෆ්ලීට් වසන්ත කරන්නාගොඩ මහතා ඉදිරිපත් කළ රිට් පෙත්සමක් විභාග කිරීම සදහා අභියාචනාධිකරණය අද නියම කළා. ඒ අප්‍රේල් 06 වනදාටයි.
2008 වසරේදී තරුණුයන් 11 දෙනෙකු පැහැරගෙන ගොස් අතුරුදන් වූ බවට නීතිපතිවරයා ගොනු කළ නඩුවේ විත්තිකරුවකු ලෙස වසන්ත කරන්නාගොඩ මහතා නම් කර තිබෙනවා. එසේ නම් කිරීමට ගෙන ඇති තීරණය බලරහිත කරන ලෙස ඉල්ලමිනුයි ඒ මහතා රිට් පෙත්සමක් ගොණු කර ඇත්තේ.
කොළඹ ත්‍රිපුද්ගල මහාධිකරණ විනිසුරු මඩුල්ල හමුවේ පැවැත්වෙන නඩු විභාගය අත්හිටුවමින් පසුගියදා තහනම් නියෝගයක් ද නිකුත් කෙරුණා. එම තහනම් නියෝගය නඩු විභාගය අවසන් වන තෙක් බලපැවැත් වෙනවා.කරන්නාගොඩ මහතාගේ රිට් පෙත්සම අද කැදවූ අවස්ථාවේ අභියාචනාධිකරණය නියම කළේ නඩුවට අදාළ විභාගය අප්‍රේල් 06 වනදා සිදු කිරීමටයි.
The post වසන්ත කරන්නාගොඩ ඉදිරිපත් කළ රිට් පෙත්සමක් විභාග කිරීමට අභියාචනාධිකරණය නියම කරයි appeared first on ITN News.
Post a Comment