ඇල්ල – කුඹල්වෙල මහමෙවුනා අසපු කන්දේ වන වගා ප්‍රදේශයේ හට ගෙන ඇති ගින්නෙන් අක්කර 10 ක භූමියක් විනාශයට පත්ව තිබෙනවා.
වන සංරක්ෂණ දෙපාර්තමේන්තුවට අයත් වන වගා භූමියේ හටගත් මෙම ගින්න අධික සුළං හා වියළි කාලගුණ තත්ත්වය හේතුවෙන් සීඝ්‍රයෙන් පැතිර යමින් පවතින නිසා එය මැඩ පැවැත්වීම අපහසු වී තිබෙනවා. ඇල්ල ප්‍රාදේශීය සභාව, පොලිසිය, ප්‍රාදේශීය ලේකම් කාර්යාලය හා වන සංරක්ෂණ දෙපාර්තමේන්තුව ගින්න නිවා දැමීමට දැඩි පරිශ්‍රමයක් දරමින් සිටින බවයි අප වාර්තාකරු සදහන් කළේ. වන වගා ප්‍රදේශයට ආසන්නයේ පිහිටි නිවාස කිහිපයකට ගින්න පැතිර යාම වළක්වා ලීමට ගින්න මැඩපැවැත්වීමට එක්ව සිටින නිලධාරීන් සමත් වුණා.
අසල නිවසක කසල ගොඩකට අපරීක්ෂාකාරී ලෙස ගිනි තැබීමෙන් මෙම ගින්න හට ගෙන ඇති බවයි පොලීසිය පවසන්නේ.
The post ඇල්ල මහමෙවුනා අසපු කන්දේ වන වගා ප්‍රදේශයේ හට ගෙන ඇති ගින්නෙන් අක්කර 10ක් විනාශයි appeared first on ITN News.
Post a Comment