දහතුන් හැවිරිදි දැරියක කාලාන්තරයක් තිස්සේ අපයෝජනයට ලක්කළ බව කියන පස් දෙනෙකු අත්අඩංගුවට ගෙන තිබෙනවා. තවත් කීප දෙනෙකු අත්අඩංගුවට ගැනීමට නියමිත බවයි පොලීසිය පවසන්නේ.
ජාතික ළමාරක්ෂණ අධිකාරියට ලැබුණ තොරතුරකට අනුව සිදුකළ විමර්ශනවලදීයි මෙම සැකකරුවන් පිරිස අත්අඩංගුවට ගැනීමට හැකිවුණේ. අතවරයට ලක්වූ බව කියන දැරියගේ ප්‍රකාශවලට අනුව තවත් සැකකරුවන් අත්අඩංගුවට ගැනීමට නියමිතව තිබෙනවා. දඹුල්ල ප්‍රදේශයේ පදිංචි ඇය මේ වනවිට රෝහල්ගතව ප්‍රතිකාර ලබනවා. මව සහ පියා නිතර අඩදබරවීම හේතුවෙන් දැරිය හැදීවැඩී ඇත්තේ මිත්තනියගේ නිවසේයි. ඉතා දිළිදු පවුලක වයෝවෘද්ධ මිත්තනිය සමග ජීවත් වන මෙම දැරිය සූක්ෂමව සංවිධානාත්මක ලෙස රවටාගෙන ප්‍රජාශාලාවක් වෙත කැදවාගෙනවිත් ඇය අපයෝජනය කර ඇති බවයි හෙළිවී තිබෙන්නේ. සිද්ධිය සම්බන්ධයෙන් අත්අඩංගුවට ගැනීමට නියමිත සැකකරුවන්ගෙන් කිහිප දෙනෙකු ප්‍රදේශය අතහැර පළාගොස් තිබෙනවා. අත්අඩංගුවට ගත් සැකකරුවන්ගෙන් තුන්දෙනෙකු මේ වනවිට රක්ෂිත බන්ධනාගාරගත කර තිබෙනවා. අනෙක් දෙදෙනා අධිකරණයට ඉදිරිපත් කිරීමට නියමිත බවයි ලග්ගල පොලිස් ස්ථානාධිපති පී බී ඒ රණවීර මහතා පවසන්නේ.
The post 13 හැවිරිදි දැරියක අපයෝජනයට ලක්කළ පස් දෙනෙකු අත්අඩංගුවට appeared first on ITN News.
Post a Comment