ඇමෙරිකානු හොලිවුඩ් චිත්‍රපට සහ දකුණු කොරියානු ටෙලි කතා නැරැඹූ උතුරු කොරියානු තරුණයින් දෙදෙනෙකුට මරණ දඬුවම ලබා දීමට උතුරු කොරියානු රජය පියවර ගෙන ගෙන තිබෙනවා.
මරණ දඬුවම හිමිවී ඇත්තේ වයස අවුරුදු 16 ත් 17 ත් වයසේ නව යොවුන් වියේ පසුවන තරුණයින් දෙදෙනෙකුට බවයි විදෙස් මාධ්‍ය වාර්තා කරන්නේ.
මොවුන් දෙදෙනා උතුරු කොරියාවේ රයැන්ජියැන් පළාතේ නගරයක පාසල් සිසුන් වන අතර, ඔවුන් හොලිවුඩ් චිත්‍රපට සහ දකුණු කොරියානු ටෙලි කතා නරඹා ඇත්තේ පාසලේ දී බවයි වාර්තා වන්නේ.
මරණ දඩුවම ක්‍රියාත්මක කර ඇත්තේ හමුදාවේ මැදිහත් වීමෙන් වන අතර එම තරුණයින් දෙදෙනාගේ පවුලේ සාමාජිකයන් ඉදිරියේ දී ඔවුන්ට වෙඩි තබා ඇති බවයි විදෙස් මාධ්‍ය වාර්තා කරන්නේ.
හොලිවුඩ් චිත්‍රපට දකුණු කොරියානු ටෙලි කතා සහ චිත්‍රපට ද උතුරු කොරියාවේ තහනම් වනවා. කොරියානු මාධ්‍ය වාර්තා කරන්නේ මෙම සිදු වීම පසුගිය ඔක්තොබර් මාසයේ සිදු වී ඇති බවයි.
The post විදෙස් චිත්‍රපට-ටෙලි කතා නැරඹූ උතුරු කොරියානු තරුණයින් දෙදෙනෙකුට මරණ දඬුවම appeared first on ITN News.
Post a Comment