පෙට්‍රල් අපනයනයට පනවා තිබූ සීමා ලිහිල් කිරීමට රුසියාව පියවර ගෙන තිබෙනවා.
පසුගිය මාසයේ දී ඩීසල් අපනයනයට පනවා තිබු සීමා ඉවත් කිරීමට ද රුසියාව පියවර ගත්තා.
තොග මිල පහළ යාම හා පෙට්‍රල් අතිරික්තයක් ඇතිවීම හේතුවෙන් මෙම තීරණය ගත් බවයි රුසියාවේ බලශක්ති අමාත්‍යවරයා නිවේදනය කරන්නේ.
කෙසේ වුවද අවශ්‍ය වුවහොත් නැවත වරක් අපනයන සීමා පැනවීමට ක්‍රියා කරන බවද ඔහු සඳහන් කරනවා.
මේ වනවිට තමන් සතුව මෙට්‍රික් ටොන් මිලියන 2ක පමණ පෙට්‍රල් සංචිතයක් පවතින බවයි අමාත්‍යවරයා සඳහන් කරන්නේ.
රුසියාව තුළ ඉන්ධන මිල ඉහළ යාම හා ඉන්ධන හිඟවීම හේතුවෙන් පසුගිය සැප්තැම්බර් මාසයේ දී අපනයන සීමා පැනවීම සිදුකෙරුණු අතර පැරණි සෝවියට් රාජ්‍යයට අයත් රටවල් 4ට පමණක් අපනයන කටයුතු සිදුකෙරුණා.
The post රුසියාව පෙට්‍රල් අපනයනයට පනවා තිබූ සීමා ලිහිල් කරයි appeared first on ITN News.
Post a Comment