කලකට පසුව දර්ශනය වු පූර්ණ සුර්යග්‍රහණය නැරඹීමට උතුරු ඇමෙරිකා මහද්වීපය පුරා ජනතාව ලක්ෂ ගණනක් එක්ව සිටියා.
මෙම පූර්ණ සුර්යග්‍රහණය මුලින්ම දර්ශනය වුණේ මෙක්සිකෝවේ මසත්ලාන් ප්‍රදේශයටයි. ඒ දහවල් එකොලහයි හතට පමණ.
චන්ද්‍රයා සූර්යා ඉදිරියට පැමිණීමත් සමග පූර්ණ සුර්යග්‍රහණයක් සිදුවීම නිසා අවට පරිසරය අදුරු ස්වභාවයක් ගෙන තිබීම මෙහි ඇති විශේෂත්වයයි.
සැතපුම් 155ක් පළල හා සැතපුම් 4000ක දිගකින් යුතු ප්‍රදේශයකට මෙය පූර්ණ සුර්යග්‍රහණයක් ලෙස දිස්වුණා. එහි දර්ශනය වීම අවසන් වුණේ කැනඩාවේ නිව්ෆවුන්ඩ් ලන්තය ආශ්‍රිත ප්‍රදේශයෙන්.
ඇමෙරිකාවේ ප්‍රාන්ත රැසකට ද පූර්ණ සුර්යග්‍රහණය ඉතා හොදින් දර්ශනය වුණා. ලොවපුරා මිලියන 31 දශම 5ක පිරිසකට මෙය නැරඹීමේ අවස්ථාව උදා වුණා.
The post මිලියන ගණනක් නැරඹු මෙම වසරේ පළමු පූර්ණ සුර්යග්‍රහණය appeared first on ITN News.
Post a Comment