ෆේස් බුක් සමාජ ජාල වෙබ් අඩවියේ අඩංගු තොරතුරු පාලනය කිරීමට ජාතික රාජ්‍යයන් තවදුරටත් උපකාර කළ යුතු බව එම වෙබ් අඩවියේ නිර්මාතෘ මාර්ක් සකර්බර්ග් පවසනවා.
හානිකර තොරතුරු සංසරණය වීමට හා පෞද්ගලික තොරතුරු ආරක්‍ෂා කිරීම සදහා දැනට පවතින රජයන් වැඩි දායකත්වයක් ලබා දිය යුතු බවයි ඔහු පවසන්නේ. අන්තර්ජාල කටයුතු නියාමනයට මෙතෙක් ලෝකයේ විවිධ රජයන් කර තිබෙන ඉල්ලීම් කිහිපයක්ම ෆේස්බුක් සමාගම ප්‍රතික්ෂේප කර තිබෙනවා. තම සමාගමේ පවතින නීති රීති හා රෙගුලාසි යාවත්කාලීන කිරීමෙන් පරිශීලකයින්ට ඉහළ ගුණාත්මක සේවාවක් ලබා දීම අරමුණ බවයි ඔහු පවසන්නේ. ෆේස්බුක් මාධ්‍ය යනු ස්වාධීන ස්ථානයක් බවත් එහිදී ජනතාවට සිය ඕනෑම අදහසක් ප්‍රකාශ කිරීමට හැකි බව තම අදහස බවත් ඔහු කියාසිටිනවා. තම සමාගම පමණක් නොව සමස්ත සමාජ මාධ්‍ය පද්ධතියම නියාමනයට රජයන් සක්‍රීයව කටයුතු කළ යුතු බව තම අදහස බවයි සකර්බර්ග් පවසන්නේ.
Post a Comment