පානදුර හිරණ සුඛෝපභෝගි නිවසක භූගත බංකරයක සැඟවූ තිබූ කසිප්පු ස්ප්‍රීතු බෝතල් 200 කට අධික සංඛ්‍යාවක් අත්අඩංගුවට ගෙන තිබෙනවා.
රුපියල් ලක්‍ෂ 2 කට අධික වටිනාකමින් යුත් කසිප්පු මෙලෙස අත්අඩංගුවට ගෙන ඇති බවයි පොලීසිය සඳහන් කරන්නේ.
පානදුර වලාන දූෂණ මර්දන ඒකකය අද පෙරවරුවේ සිදු කළ වැටලීමකදී සැකකරුවෙකු ද අත්අඩංගුවට ගෙන තිබෙනවා. ඒ උපාය දූතයන් යොදා සිදු කළ පරික්‍ෂණයකදීයි.
ඔහු වෙන්නප්පුව ජාඇල යන ප්‍රදේශවලින් රථ වාහන යොදවා රහසේ මෙම ජාවාරම සිදුකර ඇති බවයි හෙළිවී ඇත්තේ.
ඔහු පානදුර මහේස්ත්‍රාත් අධිකරණයට හෙට ඉදිරිපත් කිරීමට නියමිතයි.
Post a Comment