අම්පාර සීනි සමාගමට අයත් අතුරුදන්ව තීබූ පිහි තොගය සොයා ගෙන තිබෙනවා.
උක් කැපීම සදහා යොදා ගන්නා පිහි 177 ක් පසුගිය 29 දා අතුරුදන් වූයේ මෙම සීනි සමාගමට අයත් අංක 04 මුවන්ගල්ල ගබඩාවේ තිබියදීයී. එදින රාත්‍රී කාලයේ කිසියම් පිරිසක් ගබඩාවේ ඉබි යතුරු කඩා පිහි තොගය රැගෙන ගොස් තිබුණා. පොලීසියට ලැබුණ තොරතුරකට අනුව මෙම පිහි තොගය සොයා ගැනුණේ ගබඩාවේ සිට කිලෝමීටර් 04 ක් දුරින් ගල්ඔය ගඟ අසබඩ ස්ථානයක වල දමා තිබියදීයී.
පොලිස් නිල සුනඛයකුගේ සහායෙන් මේ සම්බන්ධ සැකකරුවකු අත්අඩංගුවට ගැනුණා. තවත් සැකකරුවකු අත්අඩංගුවට ගැනීමට නියමිත බවයි පොලීසිය පවසන්නේ.
Post a Comment