මෙක්සිකෝ ජාතික ආරක්ෂක බළඇණිය සිය මෙහෙයුම් ආරම්භ කළා. රට තුළ ආරක්ෂාව තර කිරිමේ අරමුණින් ජනාධිපති ඇන්ඩ‍්‍රස් මැනුවල් ලෝපෙස් නව බලඇණිය පිහිටුවීමට කටයුතු කර තිබෙනවා.
මහජන ආරක්ෂාව යථා තත්ත්වයට පත්කිරිම මෙහි අරමුණවී තිබෙනවා. රටේ ප‍්‍රාන්ත කිහිපයක විටින් විට ක‍්‍රියත්මක වෙමින් තිබූ ජාතික ආරක්ෂක බළඇණිය මේ වනවිට නිල වශයෙන් රටපුරා මෙහෙයුම් ආරම්භ කර තිබෙනවා. මේ වනවිට එහි සාමාජිකයන් සංඛ්‍යාව හැත්තෑ දහසක්. මෙක්සිකෝ නගරයේ නගර සභා බලප‍්‍රදේශ 16න් 08කට නව ආරක්ෂක බළඇණියේ සාමාජිකයන් 2700ක් යොදවා ඇති බව නගරාධිපතිවරයා ප‍්‍රකාශ කළා. කෙසේ වෙතත් මෙලෙස රටපුරා හමුදාව යෙදවීම පිළිබඳ ඇතැම් පාර්ශව ප‍්‍රශ්න කර තිබෙනවා. ඔවුන්ගේ කාර්ය භාරය කුමක් ද යන්න පැහැදිලි නොමැති බවයි ඔවුන් සඳහන් කරන්නේ.
මෙක්සිකෝව තුළ මෑත කාලිනය ඇති වූ සිද්ධින් සැළකිල්ලට ගනිමින් ආරක්ෂාව වැඩි කිරිම අත්‍යවශ්‍ය බවයි ජනාධිපතිවරයා පෙන්වා දෙන්නේ. වසර 20ක් පුරා ෆෙඩරල් පොලිසිය මෙම අපරාධ මැඩපැවැත්වීමට උත්සාහ කළද ඔවුන් සාර්ථක වී නොමැති බව ජනාධිපතිවරයා සඳහන් කළා. ඒ ෆෙඩරල් පොලිසිය දූෂිත බවද සඳහන් කරමින්. 2023 වනවිට නව ආරක්ෂක බළඇණියේ සාමාජිකයන් සංඛ්‍යාව එක් ලක්ෂ පනස් දහසක් දක්වා වැඩි කිරිමටයි සැළසුම් කර ඇත්තේ.
The post මෙක්සිකෝ ජාතික ආරක්ෂක බළඇණිය මෙහෙයුම් අරඹයි appeared first on ITN News.
Post a Comment