ශ්‍රී ලංකා නිදහස් පක්ෂය පවුල්වාදයට හොරකමට සහ මංකොල්ලකරුවන්ට ඉඩක් නොමැති පක්ෂයක් එම පක්ෂයේ මහලේකම් පාර්ලිමේන්තු මන්ත්‍රී දයාසිරි ජයසේකර මහතා පවසනවා. පොල්ගහවෙල ශ්‍රී ලංකා නිදහස් පක්ෂ කාර්යාලය විවෘත කිරීමේ අවස්ථාවට එක්වෙමින් ඒ මහතා මෙම අදහස් පල කළා.
එම අවස්ථාවට පාර්ලිමේන්තු මන්ත්‍රී ශාන්ත බණ්ඩාර, පොල්ගහවෙල ශ්‍රී ලංකා නිදහස් පක්ෂ ආසන සංවිධායක ජගත් යාපා යන මහත්වරුන් ඇතුළු පිරිසක් එක්ව සිටියා. මේ අතර කැස්බෑව ආසනයේ ශ්‍රී ලංකා නිදහස් පක්ෂ නව සංවිධායක ලෙස පත් කෙරුණු ජීවන් කුමාරතුංග මහතාගේ නව කාර්යාලය කැස්බෑව මංසන්ධියේදී විවෘත කෙරුණා. පාර්ලිමේන්තු මන්ත්‍රී තිංලග සුමතිපාල, ගාමිණී තිලකසිරි යන මහත්වරුන් ඇතුළු පිරිසක් මෙම අවස්ථාවට එක්වුණා.
The post නිදහස් පක්ෂය තුළ පවුල්වාදයට, හොරකමට සහ මංකොල්ලකරුවන්ට ඉඩ නැහැ appeared first on ITN News.
Post a Comment