වසර 40කට වැඩි දීර්ඝ කාලයක් අක‍්‍රීයව පැවති මරණ දඩුවම නැවත සක‍්‍රීය වීමට පෙර දැඩි විමසුමක් සිදුකළ යුතු බව කතානායක කරු ජයසුරිය මහතා ප‍්‍රකාශ කළා.
ඒ සිය ට්විටර් ගිණුමේ සටහනක් තබමින්. දිගු කාලිනව ඇති විය හැකි සදාචාරාත්මක, ආර්ථික, නෛතික සහ සංස්කෘතික ප‍්‍රතිවිපාක පිළිබඳව ගැඹුරින් විමසා බැලිය යුතු බවයි මරණ දඩුවම සම්බන්ධයෙන් අදහස් පළකරන කතානායකවරයා අවධාරණය කරන්නේ.
මරණ දඩුවම යළි සක‍්‍රීය කිරිමේ දී පුළුල් අධ්‍යයනක් සහ විමසා බැලීමක් සිදුකළ යුතු වනවා. ඒ සඳහා දේශපාලන සාධක කිසිදු ආකාරයකින් අදාළ කරගත යුතු නැතැයි ද කතානායකවරයා ප‍්‍රකාශ කළා.
මේ අතර මරණ දඩුවම ලබාදීමට ශ‍්‍රි ලංකාව ගනු ලැබූ තීරණය සම්බන්ධයෙන් නෝර්වේ රාජ්‍යයේ විශේෂ අවධානය යොමුව තිබෙනවා. මරණ දඩුවම පැනවීමෙන් සෙසු රටවල් සමඟ ශ‍්‍රි ලංකාව පවත්වාගෙන යන සබඳතාවන්ට සහ මානව අයිතීන් සුරක්ෂිත කිරිමේ ක‍්‍රියාවලියට බලපෑමක් විය හැකි බවයි නිවේදනයක් නිකුත් කරමින් නෝර්වේ රාජ්‍ය සඳහන් කළේ.
සියලු ජාතින්ගේ අයිතීන් සුරක්ෂිත කිරිමට ශ‍්‍රි ලංකාව කටයුතු කරනුු ඇතැයි තම විශ්වාසය බවද නෝර්වේ රාජ්‍ය නිකුත් කළ නිවේදනයේ සඳහන්.
The post මරණ දඩුවම සක‍්‍රීය කිරිමට පෙර ගැඹුරු විමසුමක් කළ යුතු බව කතානායක කියයි appeared first on ITN News.
Post a Comment