ඇෆ්ගනිස්ථානයේ කාබුල් අගනුවරට එල්ල වූ බෝම්බ ප්‍රහාරයකින් පුද්ගලයින් 34 දෙනෙකු ජීවිතක්ෂයට පත් වුණා.
ඇෆ්ගනිස්ථානයේ කාබුල් අගනුවර පිහිටි එරට ආරක්ෂක සැපයුම් මධ්‍යස්ථානයකටයි මෙම ප්‍රහාරය එල්ල වුණේ. ප්‍රහාරයෙන් පාසල් දරුවන් ඇතුළු පුද්ගලයින් 68 දෙනෙකු තුවාල ලබා තිබෙනවා. ප්‍රහාරයට පෙර වෙඩි තැබීමක්ද සිදුව ඇති බවයි විදෙස් මාධ්‍ය වාර්තා කරන්නේ. එරට ආරක්ෂක අංශ සදහන් කරන්නේ වෙඩි හුවමාරුව පැය 08 ක් පමණ පැවති බවයි. ප්‍රහාරයේ වගකීම තලෙයිබාන් සංවිධානය භාරගෙන තිබෙනවා. ආරක්ෂක සැපයුම් මධ්‍යස්ථානය අවට පිහිටි නිවාස සංකීර්ණ විදෙස් කාර්යාල සහ පාසල්වලටද ප්‍රහාරයෙන් දැඩි බලපෑම් එල්ල වුණා.
The post කාබුල් අගනුවරට එල්ල වූ බෝම්බ ප්‍රහාරයකින් 34 දෙනෙකු ජීවිතක්ෂයට appeared first on ITN News.
Post a Comment