දුම්රිය වෘත්තීය සමිති ක්‍රියාමාර්ගය අද පස්වන දිනටත් ක්‍රියාත්මකයි. ඒ හේතුවෙන් මගීන් දැඩි දුෂ්කරතාවයට පත්ව සිටිනවා. කෙසේ වෙතත් අද දිනයේද කාර්යාල දුම්රිය කිහිපයක්ම ධාවනයට පියවර ගත් බව දුම්රිය පාලක මැදිරිය පවසනවා.
අද පෙරවරුවේ කැළණිවැලි දුම්රිය මාර්ගයේ අවිස්සාවේල්ල සිට කොළඹ දක්වා දුම්රියක් ධාවනය කෙරුණා. පාදුක්ක දුම්රිය නැවතුමෙහිද මගීන් රැසක් රැදී සිටි බවයි අප වාර්තාකරුවන් ප්‍රකාශ කළේ. එම පිරිස රැගත් දුම්රිය පෙරවරු 6.50 ට පිටත් වුණා. කෙසේ වෙතත් පාදුක්ක දුම්රිය ස්ථානයෙහි ප්‍රවේශ පත්‍ර නිකුත් කරන කවුලු වසා සීල් තබා ඇති අයුරු දැක ගත හැකිවුණා. සේවකයන් සිය ඉල්ලීම් ලබා ගැනීමට තමන් අසීරුතාවයට පත්කිරීම අසාධාරණ බවයි දුම්රිය මගීන් ප්‍රකාශ කරන්නේ.
The post වර්ජනය මැද අදත් කාර්යාල දුම්රිය කිහිපයක්ම ධාවනට appeared first on ITN News.
Post a Comment