ගෝඨාභය රාජපක්ෂ මහතා ඇතුළු විත්තිකරුවන් පිරිසකට එරෙහි නඩුවේ සාක්ෂි විමසීම ලබන 14 වනදා තෙක් සිදු නොකරන ලෙසට ශ්‍රේෂ්ඨාධිකරණය ත්‍රිපුද්ගල මහාධිකරණයට අද නියෝග කළා. ඒ ගෝඨාභය රාජපක්ෂ මහතා ගොනු කළ අභියාචන පෙත්සමක් සළකා බැලීමෙන් අනතුරුවයි.
ඩී ඒ රාජපක්ෂ අනුස්මරණ කෞතුකාගාරය ඉදිකිරීමේදී රුපියල් මිලියන 33 යි දශම 9 ක් සාවද්‍ය පරිහරණය කළ බවටයි ඔවුන්ට චෝදනා එල්ල වී ඇත්තේ. ගෝඨාභය රාජපක්ෂ මහතාගේ අභියාචන පෙත්සම ලබන 11 වනදා විවාදයට ගැනීමට ද ශ්‍රේෂ්ඨාධිකරණය දින නියම කළා. මෙම නඩුව සම්බන්ධයෙන් ගොනු කළ මූලික විරෝධතා ප්‍රතික්ෂේප කිරීමට ත්‍රිපුද්ගල මහාධිකරණය පසුගිය ජනවාරි 11 වනදා නියෝගයක් නිකුත් කළා. ඊට එරෙහිවයි ගෝඨාභය රාජපක්ෂ මහතා අභියාචන පෙත්සම ශ්‍රේෂ්ඨාධිකරණයේ ගොනු කළේ. මෙම නඩුවට අදාළව මහාධිකරණයේ සාක්ෂි විමසීම ලබන 15 වන දින ආරම්භ කිරීමට නියමිතයි.
The post ගෝඨාභයගේ අභියාචන පෙත්සම විවාදයට ගැනීමට අධිකරණය දින දෙයි appeared first on ITN News.
Post a Comment