හිටපු රේගු අධ්‍යක්‍ෂ ජනරාල් ජගත් ප්‍රේමලාල් විජේවීර සහ හිටපු අතිරේක රේගු අධ්‍යක්‍ෂ තාරක සෙනෙවිරත්න යන දෙදෙනා ලබන 8 වනදා දක්වා රක්ෂිත බන්ධනාගාරගත කරන ලෙස ගංගොඩවිල මහේස්ත්‍රාත් අධිකරණය නියෝග කළා.
හිටපු ජනාධිපති මහින්ද රාජපක්‍ෂ මහතාගේ සංකල්පයකට අනුව ඉදිකළ සඳහිරුසෑයේ තැන්පත් කිරීම සඳහා රත්‍රං කිලෝග්‍රෑම් 8 ක් ලබා දීමේ සිද්ධිය සම්බන්ධයෙනුයි මෙම දෙදෙනා රක්ෂිත බන්ධනාගාරගත කර තිබෙන්නේ. මෙම රත්‍රං රේගුවේ රාජ සන්තක කිරීමට තිබූ ඒවා බවයි සඳහන් වන්නේ. සැකකරුවන් දෙදෙනා ශ්‍රී ජයවර්ධනපුර හා බදුල්ල මහ රෝහලේ ප්‍රතිකාර ලබමින් සිටියදී කොළඹ මූල්‍ය විමර්ශන කොට්ඨාසය අත්අඩංගුවට ගෙන අධිකරණයට ඉදිරිපත් කළා.
ඒ අනුවයි ඔවුන් රක්ෂිත බන්ධනාගාරගත කර තිබෙන්නේ.
The post රන් ජාවාරමට අත්අඩංගුවට ගත් හිටපු රේගු නිලධාරින් රක්ෂිත බන්ධනාගාරයේ appeared first on ITN News.
Post a Comment