උතුරු කොරියාව තවත් කෙටිදුර මිසයිල දෙකක් අත්හදාබලා ඇති බව දකුණු කොරියා හමුදා අංශ පවසනවා.
උතුරු කොරියාව මෙම කෙටිදුර මිසයිල දෙක නැගෙනහිර වෙරළට ඔබ්බෙන් මුහුදට එල්ලකර ඇති බවයි දකුණු කොරියා හමුදා අංශ පවසන්නේ.
මේ සම්බන්ධයෙන් උතුරු කොරියා නායක කිම් ජොන් උන් පවසන්නේ සාර්ථක පරීක්ෂණයක් සිදුකළ බවත් තමන් ඇතුළු කණ්ඩායම මහත් තෘප්තියක් ලැබූ බවත්.
උතුරු කොරියාව මීට පෙර ද මිසයිල අත්හදා බැලීම් තුනක් සිදුකළා. කෙසේ වෙතත් විදෙස් විචාරකයින් පවසන්නේ ඇමෙරිකාව සමග න්‍යෂ්ටික අවිහරණය සම්බන්ධයෙන් සාකච්ඡා පැවැත්වීම සදහා සිහිපත් කිරීමක් සිදුකරමින් වසර අවසානයේ දී මෙලෙස කෙටිදුර මිසයිලයක් උතුරු කොරියාව අත්හදා බලා ඇති බවයි.
The post උතුරු කොරියාව තවත් කෙටිදුර මිසයිල දෙකක් අත්හදාබලයි appeared first on ITN News.
Post a Comment