වැලිමඩ මැතිවරණ කොට්ඨාසයේ එක්සත් ජාතික පක්ෂයේ සහ සමගි ජන බලවේගයේ ශාඛා සමිති නිලධාරීන්, තරුණ සංවිධාන නිලධාරීන් ඇතුළු සියයකට වැඩි පිරිසක් ශ්‍රී ලංකා පොදුජන පෙරමුණේ සාමාජිකත්වය ලබාගත්තා.
ශ්‍රී ලංකා පොදුජන පෙරමුණේ වැලිමඩ ආසන සංවිධායක ඉන්දික සම්පත් ජයසුන්දර මහතාගේ ප්‍රධානත්වයෙන් නුගතලාව පක්ෂ කාර්යාලයේ පැවති ජන හමුකදීයි ඔවුන් සාමාජිකත්වය ලබාගත්තේ. වැලිමඩ ආසනයේ පන්දහසකට අධික එක්සත් ජාතික පාක්ෂිකයින් පිරිසක් පොදුජන පෙරමුණේ සාමාජිකත්වය ලබා ගැනීමට ඉදිරියේදී කටයුතු කරන බව ඉන්දික සම්පත් ජයසුන්දර මහතා මෙහිදී කියා සිටියා.
මේ අතර එක්සත් ජාතික පක්ෂයේ ප්‍රබල සාමාජිකයින් පිරිසක් ශ්‍රී ලංකා පොදුජන පෙරමුණේ අපේක්ෂක රොෂාන් රණසිංහ මහතා හමුවී ශ්‍රී ලංකා පොදුජන පෙරමුණේ සාමාජිකත්වය ලබාගත්තා. දම්මින්න, අරලගන්විල, කන්දේගම ආදී ප්‍රදේශ වල එක්සත් ජාතික පාක්ෂිකයින් 150 කට වැඩි පිරිසක් මෙලෙස පොදුජන පෙරමුණට එක්වුණා. තමන් වසර 40 කට වැඩි කාලයක් එක්සත් ජාතික පක්ෂය සමග කටයුතු කළද කිසිදු සේවයක් නොවූ බවයි එම ජනතාව මෙහිදී කියා සිටියේ. එක්සත් ජාතික පක්ෂය පිළිබද කිසිදු විශ්වාසයක් නොමැති බව රොෂාන් රණසිංහ මහතා සඳහන් කළා.
The post එජාප සහ සමගි ජන බලවේගයේ සියයකට වැඩි පිරිසක් පොදුජන පෙරමුණට appeared first on ITN News.
Post a Comment