ගතවූ පැය 24 තුළ වැඩිම කෝවිඩ් ආසාදිතයන් සහ මරණ සංඛ්‍යාවක් ඉන්දියාවෙන් වාර්තා වූ අතර ලෝක කොරෝනා සටහනේ ආසාදිතයන් වාර්තාවීම අතින් ඉන්දියාව, බ්‍රසීලය පසු කිරීමට ඇත්තේ තවත් සුළු සංඛ්‍යාවක් බව විදෙස් වාර්තා පෙන්වා දෙනවා.
ඊයේ දිනය තුළ ඉන්දියාවෙන් සොයා ගැනුණු නව කෝවිඩ් ආසාදිතයින්ගේ සංඛ්‍යාව හැට අටදහස ඉක්මවා ගියා. මේ වන විට ඉන්දියාවෙන් වාර්තාවන මුළු කෝවිඩ් ආසාදිත සංඛ්‍යාව තිස්හය ලක්ෂ අනූඑක් දහස් එකසිය හැට හයක් දක්වා ඉහළ ගොස් තිබෙනවා. වසංගත තත්ත්වයත් සමග තමිල්නාඩුව වසා දැමීම ලබන 30 වනදා දක්වා දීර්ඝ කිරීමට ප්‍රාන්ත බලධාරීන් කටයුතු කර තිබෙනවා.මේ අතර වෛරස් ව්‍යාප්තිය සීඝ්‍ර වීම සහ රට වසා දැමීම හේතුවෙන් ඉන්දියාව දරුණු ආර්ථික කඩා වැටීමකට ලක්ව ඇති බව ආර්ථික විෂ්ලේෂකයින් පෙන්වා දෙනවා. මෙය 1996 න්පසු එරට මුහුණ පෑ දරුණුතම ආර්ථික අවපාතය ලෙසයි ඔවුන් පෙන්වා දෙන්නේ.
The post ගතවූ පැය 24 තුළ වැඩිම කෝවිඩ් මරණ සංඛ්‍යාවක් ඉන්දියාවෙන් වාර්තා වෙයි appeared first on ITN News.
Post a Comment