දූෂණ හා අක්‍රමිකතා චෝදනා හේතුවෙන් ඊශ්‍රායල අග්‍රාමාත්‍ය බෙන්ජමින් නෙතන්යාහුට තනතුරෙන් ඉල්ලා අස්වන ලෙස බලකරමින් තවදුරටත් උද්ඝෝෂණ ක්‍රියාත්මකයි.
පසුගිය මාස තුනක කාලය තිස්සේ අග්‍රාමාත්‍යවරයාට විරුද්ධව ඊශ්‍රායලය පුරා උද්ඝෝෂණ ක්‍රියාත්මක වනවා. ඔහුගේ නිල නිවස ඉදිරිපිටදී පැවැත්වෙන මෙම උද්ඝෝෂණ සදහා දහස් ගණනක පිරිසක් සහභාගි වන බවයි විදෙස් මාධ්‍ය වාර්තා කරන්නේ. ඔහුට එල්ලවී ඇති දූෂණ චෝදනා හා කොරෝනා වෛරස ව්‍යාප්තිය පාලනය කිරීමට අසමත්වීම යන කාරණා හේතුවෙන් ඔහු ධුරයෙන් ඉල්ලා අස්විය යුතු බව උද්ඝෝෂකයින් සඳහන් කරනවා. අග්‍රාමාත්‍යවරයාට විරුද්ධව එල්ලවී ඇති දූෂණ චෝදනා සම්බන්ධයෙන් මේ වනවිටත් අධිකරණයේ නඩු විභාග වන අතර සියලු චෝදනා ප්‍රතික්ෂේප කරන බවයි අග්‍රාමාත්‍යවරයා පවසන්නේ.
The post ඊශ්‍රායල අගමැතිට ඉල්ලා අස්වන ලෙස බලකරමින් තවදුරටත් උද්ඝෝෂණ appeared first on ITN News.
Post a Comment