රුපියල් ලක්ෂ 8ක වටිනාකමින් යුතු හෙරොයින් තොගයක් සමඟ සැකකරුවන් දෙදෙනෙකු අත්අඩංගුවට ගැනීමට පොලිසිය සමත්වුණා. කඩුවෙල සිට බලංගොඩ දක්වා ප්‍රදේශවලට ඊසි කෑෂ් ක්‍රමයට හෙරොයින් බෙදා හැරීමේ නිරතව සිටි මාළඹේ ප්‍රදේශයේ පෞද්ගලික විශ්වවිද්‍යාලයක සිසුවෙකු සහ ඔහුට හොරායින් සැපයූ පුද්ගලයෙකුයි මෙලෙස අත්අඩංගුවට ගෙන ඇත්තේ.පහළ හංවැල්ල ප්‍රදේශයේ දී මෙම අත්අඩංගුවට ගැනීම සිදු කෙරුණා.
පොතුවිල් පොලිස්වසමේ රොට්ටකුලම් කැලෑබද ප්‍රදේශයේ සිදුකළ වැටලීමකදී හෙරෙයින් ග්‍රෑම් 3 මිලිග්‍රෑම් 330 ක් සමඟ පුද්ගලයෙකු අත්අඩංගුවට ගෙන තිබෙනවා. ඔහු පොතුවිල් මහේස්ත්‍රාත් අධිකරණයට ඉදිරිපත් කිරීමට නියමිතයි.
මේ අතර පිටකොටුව පොලිස් වසමේ පළමු රෝහිණී පටුමගේ සිදු කළ වැටලීමකදීද හෙරොයින් ග්‍රෑම් 2යි මිලිග්‍රෑම් 120 ක් සමඟ 39 හැවිරිදි කාන්තාවක් අත්අඩංගුවට ගෙන තිබෙනවා. සැකකාරිය මාලිගාකන්ද මහේස්ත්‍රාත් අධිකරණයට ඉදිරිපත් කිරීමට නියමිතයි.
The post හෙරොයින් තොගයක් සමඟ සැකකරුවන් දෙදෙනෙකු අත්අඩංගුවට appeared first on ITN News.
Post a Comment