සරණාගතයින් රැගත් බෝට්ටුවක ඇති වූ ගින්නකින් එහි ගමන්ගත් සරණාගතයින් තිදෙනෙකු ජීවිතක්ෂයට පත්ව තිබෙනවා.
දකුණු දිග ඉතාලි මුහුදු තීරයේදී සරණාගතයින් රැගත් එම බෝට්ටුව ගිණිගැනීමට ලක්ව ඇති අතර පුද්ගලයින් 20 දෙනෙකු පමණ එහි සිටි බවයි ඉතාලි පොලීසිය නිවේදනය කරන්නේ. ගින්නෙන් සරණාගතයින් 5 දෙනෙකු තුවාල ලබා රෝහල් ගත කර තිබෙනවා. ඉන් දෙදෙනෙකුගේ තත්ත්වය බරපතල බවයි රෝහල් ආරංචි මාරග සඳහන් කරන්නේ. ගිනිගත් බෝට්ටුවේ සිටි සරණාගතයින් බේරාගැනීමට යාමේදී පොලිස් නිලධාරීන් දෙදෙනෙකුද ගින්නට හසුව තුවාල ලබා තිබෙනවා. සරණාගතයින් රැගත් බෝට්ටුවේ සිදු වූ පිපිරීමකින් ගින්න හටගත් බවටයි වාර්තා වන්නේ.
The post දකුණු දිග ඉතාලි මුහුදු තීරයේදී සරණාගතයින් රැගත් බෝට්ටුවක ගින්නකින් තිදෙනෙකු ජීවිතක්ෂයට appeared first on ITN News.
Post a Comment