කොටිකාවත්ත ප්‍රදේශයේ පවත්වාගෙන ගිය රාත්‍රී ආහාර පාන අලෙවිසලක සිදු වූ පහරදීමකින් පුද්ගලයෙකු ජීවිතක්‍ෂයට පත්ව තිබෙනවා. ඝාතනයට සම්බන්ධ පුද්ගලයන් මේ වන විට ප්‍රදේශයෙන් පලාගොස් ඇති බවයි පොලීසිය සඳහන් කරන්නේ.
කොටිකාවත්ත ප්‍රදේශයේ ආහාරපාන අලෙවිසලක් තුළ තවත් පුද්ගලයන් දෙදෙනෙකු සමග සිදු වූ බහින්බස්වීමකින් අනතුරුවයි මෙම ඝාතනය සිදුවී තිබෙන්නේ. සිද්ධියෙන් වෙළෙඳසලේ හිමිකරු ජීවිතක්‍ෂයට පත්වුණා. මෙහිදී සැකකාර පුද්ගලයන් දෙදෙනා වෙළෙඳසලේ හිමිකරුට පිහියකින් ඇන තුවාල කර ඇති අතර පසුව ඔහු ජාතික රෝහලට රැගෙන යාමෙන් අනතුරුවයි ජීවිතක්‍ෂයට පත්ව තිබෙන්නේ. කොටිකාවත්ත ප්‍රදේශයේ පදිංචි තිස් හැවිරිදි මොහොමඩ් මස්ලිම් මොහිදින් නමැති පුද්ගලයා මෙම ප්‍රහාරයෙන් ජීවිතක්‍ෂයට පත්වූ අතර ඝාතකයන් සොයා වැල්ලම්පිටිය පොලීසිය මේ වන විට පරීක්‍ෂණ ආරම්භ කර තිබෙනවා.
The post රාත්‍රී ආහාර පාන අලෙවිසලක සිදු වූ පහරදීමකින් පුද්ගලයෙකු ජීවිතක්‍ෂයට appeared first on ITN News.
Post a Comment