කළු ජාතිකයින් ට සිදුවන අසාධාරණකම්වලට විරෝධය පල කරමින් පැවති උද්ඝෝෂණ අතරතුරදී විරෝධතාකරුවන් හා ප්‍රංශ පොලිසිය අතර දරුණු ගැටුම් හටගෙන තිබෙනවා.
නිරායුධ කළු ජාතික සංගීතඥයෙකුට ඊයේ දිනයේදී ප්‍රංශ පොලිසිය පහර දෙන අයුරු දැක්වෙන වීඩියෝ පටයක් සමාජ මාධ්‍ය තුළ හුවමාරු වීම ආරම්භ වීමත් සමග ම මෙම උද්ඝෝෂණ ආරම්භ වුණා. විරෝධතාකරුවන් ගෘහ භාණ්ඩ හා මෝටර් රථ මහා මාර්ග මධ්‍යයේ ගිනි තබමින් තම කෝපය ප්‍රකාශ කළ බවයි විදෙස් මාධ්‍ය සදහන් කරන්නේ. පැරිස් අගනුවර කඩසාප්පු රැසක් ද ගැටුම් අතරතුරදී දැඩි අලාභ හානියට ලක්ව තිබෙනවා. කෙසේ වුවද කළු ජාතික සංගීතඥයාට පහර දීමේ සිද්ධියට සම්බන්ධ පොලිස් නිලධාරීන් තිදෙනා සම්බන්ධයෙන් අවශ්‍ය නීතිමය ක්‍රියාමාර්ග මේ වනවිටත් ගෙන ඇති බවයි එරට ජනාධිපති එමානුවෙල් මැක්රන් පවසන්නේ.
The post විරෝධතාකරුවන් හා ප්‍රංශ පොලීසිය අතර දරුණු ගැටුම් appeared first on ITN News.
Post a Comment