නව වසරේ උදාව නිමිති කරගෙන අග්‍රාමාත්‍ය මහින්ද රාජපක්‍ෂ මහතා කතරගම පුදබිමේ ආගමික වතාවත්වලට එක්වුණා.
ඊයේ සන්ධ්‍යා කාලයේදී කිරිවෙහෙර වැදපුදාගත් අග්‍රාමාත්‍ය මහින්ද රාජපක්‍ෂ මහතා රුහුණු මාගම්පත්තුවේ ප්‍රධාන සංඝනායක කිරිවෙහෙර විහාරාධිපති ආචාර්ය පූජ්‍ය කොබක ධම්මින්ද ස්වාමීන්වහන්සේ බැදැ දැක සුවදුක් විමසා බැලුවා. අග්‍රාමාත්‍යවරයා ඇතුලු පවුලේ සාමාජිකයන්ට මෙන්ම රට වැසියාට මෙහිදී ධම්මින්ද ස්වාමීන්වහන්සේ ඇතුලු මහා සංඝරත්නය ආශිර්වාදය පළ කළා.
අග්‍රාමාත්‍යවරයා කතරගම අෂ්ට ඵල බෝධිය වැදපුදා ගැනීමෙන් අනතුරුව අභිනවාරාම විහාරස්ථානයේ ආගමික වතාවත්වලට එක්වුණා.
නව වසර උදාවත්ම රුහුණු කතරගම මහා දේවාලයට පැමිණි අග්‍රාමාත්‍ය මහින්ද රාජපක්‍ෂ මහතා ආගමික වතාවත්වල නිරත වෙමින් ආශිර්වාද ලබා ගත්තා. මැතිඇමතිවරුන් ඇතුලු පිරිසක් ද මෙම අවස්ථාවට එක්ව සිටියා.
තංගල්ල කාල්ටන් නිවසට වැඩම කළ මහා සංඝරත්නය නව වසර වෙනුවෙන් අග්‍රාමාත්‍යවරයාට හා පවුලේ සාමාජිකයන්ට ආශිර්වාද එක් කළා.
The post අගමැති කතරගම පුදබිමේ ආගමික වතාවත්වල appeared first on ITN News.
Post a Comment