ශ්‍රී ලංකා රක්ෂණ සංස්ථාව මගින් රත්නපුර ශික්ෂණ රෝහල වෙත නව පීසිආර් යන්ත්‍රයක් ප්‍රදානය කෙරුණා.
මෙම පීසිආර් යන්ත්‍රයේ වෙළදපොල වටිනාකම රුපියල් ලක්ෂ පනස් හතරක්. ශ්‍රී ලංකා රක්ෂණ සංස්ථාවේ සියලු සේවකයන්ගේ දෛනික වැටුප මේ සදහා දායක කර තිබෙනවා.
රත්නපුර ශික්ෂණ රෝහල මේ වනවිට පීසිආර් පරීක්ෂණ තිස් තුන් දහසක් පමණ සිදුකර ඇති අතර රෝගීන් 4500 දෙනෙකු සොයා ගත්තා. නව පීසිආර් යන්ත්‍රය ලැබීමත් සමග පරීක්ෂණ සංඛ්‍යාව ඉහළ නංවා ගැනීමට හැකි වුණා.
මෙම අවස්ථාවට රාජ්‍ය අමාත්‍ය ජානක වක්කුඹුර, ශ්‍රී ලංකා රක්ෂණ සංස්ථාවේ සභාපති ආචාර්ය ජගත් වැල්ලවත්ත යන මහත්වරුන් ඇතුලු පිරිසක් එක්ව සිටියා.
The post ශ්‍රී ලංකා රක්ෂණ සංස්ථාවෙන් රත්නපුර ශික්ෂණ රෝහලට PCR යන්ත්‍රයක් appeared first on ITN News.
Post a Comment