රාජ්‍ය ඉංජිනේරු සංස්ථා පරිශ්‍රය තුළ උණුසුම්කාරී තත්ත්වයක් හටගත්තා. ඒ, එහි සේවකයින් පිරිසක් ආයතන සභාපතිවරයා සිය ග්‍රහනයට හසුකර ගනිමින් කළහකාරී ලෙස කටයුතු කිරීමත් සමගයි.
රාජ්‍ය ඉංජිනේරු සංස්ථා සංස්ථා පරිශ්‍රයේ හයවන මහලේ පිහිටි එහි සභාපති රත්නසිරි කළුපහන මහතාගේ නිල කාමරය අසලට රැස්වූ සේවකයින් පිරිසක් ඔහුට එම කාමරයෙන් පිටතට පැමිණීමට නොදී දැඩි කළහකාරී ලෙස කටයුතු කර තිබෙනවා. පැය තුනකට ආසන්න කාලයක් කාර්යාල කාමරයේ සිරකරගෙන සිටි සභාපතිවරයා මුදාගත්තේ පොලීසියයි. පොලීසිය පැමිණ තත්ත්වය පාලනයකර සභාපතිවරයා මුදාගැනීමෙන් පසුව සේවකයින් පිරිස විසිර ගියා. නිරෝධායන නීති උල්ලංඝනය කරමින් සේවකයින් 150 ක් පමණ එම ස්ථානයේ රැදී සිටි බවයි අප වාර්තාකරු පැවසුවේ. වැටුප් සම්බන්ධ ගැටලුවක් මෙම තත්ත්වයට හේතුවූ බව සේවකයින් පැවසුවා.
මේ අතර සභාපතිවරයා ද සිය නිල කාමරයේ සිට මාධ්‍ය හමුවක් පැවැත්වූවා. එහිදී සභාපති රත්නසිරි කළුපහන මහතා කියාසිටියේ මෙය අක්‍රමවත්ව තිබූ සංස්ථාව නගාසිටුවීමට තමන් දරණ උත්සාහය කඩාකප්පල් කිරීමේ උත්සාහයක් බවයි.
The post රාජ්‍ය ඉංජිනේරු සංස්ථා පරිශ්‍රය තුළ උණුසුම්කාරී තත්වයක් appeared first on ITN News.
Post a Comment