මිනි මැරුම් රැසකට සහ මත්ද්‍රව්‍ය ජාවාරමට සම්බන්ධ පතාල කල්ලි සාමාජිකයෙක් වන ටක්ෂාන් නමැත්තා ඇතුලු හතර දෙනෙක් අත්අඩංගුවට ගෙන තිබෙනවා. ඒ විදෙස් රටක නිෂ්පාදනය කරපු ගිනි අවියක් සමඟ.
යාල වනජීවි උද්‍යාන භාර නිලධාරීවරයාට ලැබුණ තොරතුරක් මත වනජීවි නිලධාරීන් 5 දෙනෙකුගෙන් යුත් කණ්ඩායමක් සිදු කළ වැටලීමකදීයි මොහු අත්අඩංගුවට ගෙන තිබෙන්නේ. යාල වනෝද්‍යානයේ ප්‍රධාන පිවිසුමට ආසන්නයේ හෝටලයක ඉදිකිරීම් කටයුතුවලට සහභාගි වූ සේවකයින් පිරිසක් අතර සිටියදී මේ පුද්ගලයා අත්අඩංගුවට ගැණුනා.
ඇමරිකාවේ නිෂ්පාදිත ගිනි අවියක් යොදා ගනිමින් සතුන් දඩයම් කර එම මස් සෆාරි ජිප් රථයක් උපයෝගී කර ගනිමින් ප්‍රවාහනය කිරීමටද මෙම පතාල සාමාජිකයා කටයුතු කර ඇති බවයි වනජීවි නිලධාරීන් පවසන්නේ. සැකකරුවන් වැඩිදුර විමර්ශන සදහා කිරින්ද පොලීසිය වෙත භාර දී ඇති අතර ඔවුන් තිස්සමහාරාම මහේස්ත්‍රාත් අධිකරණයට ඉදිරිපත් කිරීමට නියමිතයි.
The post පාතාල කල්ලි සමාජික ටක්ෂාන් ඇතුළු 4ක් අත්අඩංගුවට appeared first on ITN News.
Post a Comment