කොරෝනා වයිරස ව්‍යාප්තිය පාලනයට ප්‍රකාශයට පත් කර ඇති හදිසි තත්ත්වය හෙට සිට ඉවත් කරන බව ජපාන රජය නිවේදනය කරනවා.
ජපානය තුළ වයිරස ව්‍යාප්තිය වේගවත් කිරීම සමඟ මීට මාස හයකට පමණ පෙර හදිසි තත්ත්වයක් ප්‍රකාශයට පත් කෙරුණා. මේ වනවිට වාර්තා වන ආසාදිතයින් හා මරණ සංඛ්‍යාව අවම වීම හේතුවෙන් පනවා ඇති නීති ඉවත් කරන බවයි අග්‍රාමාත්‍ය යොෂිහිඩේ සුගා පවසන්නේ. නමුත් රට විවෘත කිරීම ක්‍රමානුකූලව සිදු කරන බව ඔහු සඳහන් කරනවා. ඒ අනුව ආපනශාලා , අවන්හල් විවෘත කිරීම හා උත්සව පැවැත්වීම තවදුරටත් සීමා කෙරෙනු ඇති. කෙසේ වුවද මේ වනතෙක් එරටින් හමුවී ඇත්තේ වයිරස ආසාදිතයින් ලක්ෂ දා හතකට ආසන්න සංඛ්‍යාවක්. සිදුව ඇති මරණ සංඛ්‍යාව දහ අට දහසකට ආසන්න වනවා.
The post ජපානයට පනවා ඇති හදිසි තත්ත්වය හෙට සිට ඉවතට appeared first on ITN News.
Post a Comment