ගෙවල් බිඳුම් රැසකට සම්බන්ධ සැකකරුවන් දෙදෙනෙකු අත්අඩංගුවට ගැනීමට පොලීසිය සමත්වුණා.
පයාගල පොලිස් වසමේ ඇළදූව ප්‍රදේශයේ දිගින් දිගටම සිදුවූ ගෙවල් බිදුම් කිහිපයක් සම්බන්ධයෙන් පැවැත්වූ පුළුල් පරීක්ෂණවලින් අනතුරුවයි සැකකරුවන් දෙදෙනා අත්අඩංගුවට ගනු ලැබුවේ. කළුතර කොට්ඨාස අපරාධ විමර්ශන අංශය සිදුකළ වැටලීමේදී සැකකරුවන් සමඟ සොරකම් කළ භාණ්ඩ තොගයක් ද අත්අඩංගුවට ගැණුනා. නිවාසවලින් පැහැර ගන්නා භාණ්ඩ ඉතා අඩු මුදලට විවිධ පුද්ගලයින්ට අලෙවි කර ඇති බව ද පරීක්ෂණවලදී හෙලිවූ බවයි පොලීසිය සදහන් කළේ.
වයස අවුරුදු 23 හා 25 වයස් කාණ්ඩයේ පසුවන සැකකරුවන් දෙදෙනා තදින්ම මත්ද්‍රව්‍යවලට ඇබ්බැහි වී සිටින්නන් බව ද හෙළි වී තිබෙනවා.
The post ගෙවල් බිඳුම් රැසකට සම්බන්ධ සැකකරුවන් දෙදෙනෙකු අත්අඩංගුවට appeared first on ITN News.
Post a Comment