ශ්‍රී ලංකාවේ බංග්ලාදේශ මහ කොමසාරිස් Tareq Md. Ariful Islam මහතා පාර්ලිමේන්තු මහලේකම් ධම්මික දසනායක මහතා හමුවී තිබෙනවා.
බංගලාදේශ පාර්ලිමේන්තුව සහ ශ්‍රී ලංකා පාර්ලිමේන්තුව අතර අන්‍යෝන්‍ය සහයෝගීතාවය සහ මිත්‍රත්වය තවදුරටත් වර්ධනය කර ගැනීම
සම්බන්ධයෙන් මෙම හමුවේදී විශේෂ අවධානයක් යොමුව තිබේ.
ශ්‍රී ලංකා බංග්ලාදේශ පාර්ලිමේන්තු මිත්‍රත්ව සංගමයේ ක්‍රියාකාරිත්වය ඉදිරියේදී තව දුරටත් පුළුල් කිරීම සම්බන්ධයෙන්ද මෙම සාකච්ජාවේදී
අවධානය යොමු විය. මෙරට තුළ ක්‍රියාත්මක කොවිඩ් 19 ප්‍රතිශක්තිකරණ එන්නත්කරණ වැඩපිළිවෙළ අතිශයින් කාර්යක්ෂම බව ශ්‍රී ලංකාවේ බංග්ලාදේශ මහකොමසාරිස්වරයා මෙහිදී කීවේය.
ශ්‍රී ලංකාවේ බංග්ලාදේශ මහ කොමසාරිස්වරයා සහ පාර්ලිමේන්තුවේ මහලේකම්වරයා අතර සමරු තිළිණ හුවමාරුවක් ද මෙම හමුවේදී සිදු
විය.
The post ශ්‍රී ලංකාවේ බංග්ලාදේශ මහ කොමසාරිස් සහ පාර්ලිමේන්තු මහලේකම් අතර විශේෂ හමුවක් appeared first on ITN News.
Post a Comment