මීතොටමුල්ල කසල කන්ද තිබුණු තැන කොලොන්නාවටම ප්‍රයෝජනවත් වන ස්ථානයක් බවට පත්කිරීමට රජය සැළසුම් කර තිබෙනවා.
මේ ස්ථානයේ නාගරික උද්‍යානයක් ඉදිකරන්න යහපාලන රජය වැයකළ රුපියල් මිලියන 430 ක මුදල අපතේ ගිහින් තියෙන බව හෙළිවුණා.
මීතොටමුල්ල කුණුකන්ද නාගරික උද්‍යානයක් බවට පත්කිරීමට පසුගිය රජය වැයකළ මුදල් වලින් කිසිදු ප්‍රයෝජනයක් ලැබී නැහැ. එහෙත් මෙම ස්ථානයේ කිසිදු සංවර්ධන කාර්යයක් සිදුකර නැති බව නාගරික සංවර්ධන හා නිවාස අමාත්‍යාංශය සදහන් කරනවා. මීතොටමුල්ල කසල කන්ද නාගරික උද්‍යානයක් බවට පත් කිරීමට පසුගිය රජය සකස්කර තිබූ ව්‍යාපෘති සැළසුම් පිළිබද අග්‍රාමාත්‍ය මහින්ද රාජපක්ෂ මහතා විෂයභාර අමාත්‍යවරයා ලෙස ලබාදුන් උපදෙස්වලට අනුව මෙම විමර්ශනය ක්‍රියාත්මකයි.
එමෙන්ම රජයේ කිසිදු මුදලක් වැය නොකර කුණු කන්ද පිහිටි ස්ථානය කොළොන්නාව නගරයට පහසුකම් සපයන ස්ථානයක් බවට පත්කිරීමේ වැඩපිළිවෙළක් ද ක්‍රියාත්මක වනවා.
The post යහපාලන රජය මීතොටමුල්ල කුණු කන්ද සංවර්ධනය කරන්න මිලියන 430ක් වියදම් කළත් කිසිදු සංවර්ධනයක් වී නැහැ appeared first on ITN News.
Post a Comment