ලොව පුරා රටවලින් දෛනිකව වාර්තාවන කොරෝනා මරණ සංඛ්‍යාව යළිත් වරක් ඉහළ ගොස් තිබෙනවා. ගතවූ පැය 24ට පමණක් රටවල් 223 කින් වාර්තා වී ඇති මරණ සංඛ්‍යාව 7617ක්.
ඊයේ දිනයේදී වැඩිම කොරෝනා මරණ සංඛ්‍යාවක් සිදුව ඇත්තේ ඉන්දියාවෙන්. එම සංඛ්‍යාව 1218ක්. එමෙන්ම ඇමෙරිකාවෙන්ද කොරෝනා මරණ 1153ක් සිදුව ඇති අතර ඒ සමඟම ලොව සමස්ත කොරෝනා මරණ සංඛ්‍යාව පනස් හය ලක්ෂ අනූදහස ඉක්මවා ගියා. එමෙන්ම ඊයේ දිනයේදී ඇමෙරිකාවෙන් දෙලක්ෂ හැත්තෑ හතර දහසක්ද , ඉන්දියාවෙන් එක්ලක්ෂ හැටහතර දහසක්ද ,ජර්මනියෙන් එක්ලක්ෂ දහනව දහසක් හා බ්‍රසීලයෙන් එක්ලක්ෂ දෙදහසක් ලෙස ආසාදිතයින් හමුව තිබෙනවා. මේ වන විට ලොව පුරා රටවලින් හමුව ඇති සමස්ත වයිරස් ආසාදිතයින් සංඛ්‍යාව තිස් හත් කෝටි හැත්තෑ අටලක්ෂයකට ආසන්නයි.
The post ලොව පුරා දෛනික කොරෝනා මරණ සංඛ්‍යාව යළිත් ඉහළට appeared first on ITN News.
Post a Comment