වයිරස ව්‍යාප්තිය පාලනය කිරීමට බ්‍රිතාන්‍ය වසා දමා තිබූ සමයේ සාදයන් පැවැත්වීම පිළිබදව බ්‍රිතාන්‍ය අග්‍රාමාත්‍යවරයා වගකිව යුතු බව සිදුකළ පරික්ෂණයෙන් තහවුරු කර තිබෙනවා.
2020 වසරේ මැයි 20 වන දින හා ජුනි 19 වන දින බ්‍රිතාන්‍ය අග්‍රාමාත්‍ය කාර්යාලයේදී සාදයන් පැවැත්වීම පිළිබද සූ ග්‍රේ නමැති ඉහළ පෙළේ පරිපාලන නිලධාරියාගේ ප්‍රධානත්වයෙන් විශේෂ පරික්ෂණයක් පැවැත්වුණා. වාර්තාව ඊයේ දිනයේදී නිකුත් කළ අතර සාදයන් පැවැත්වීමට අවසර ලබා දීම නායකත්වයේ දුර්වලතාවයක් බවයි එහි දැක්වෙන්නේ.
එම සාදයන් පැවැත්වීමට කිසිදු ලෙසකින් අවසර ලබාදිය නොහැකි බව සූ ග්‍රේ පවසනවා. වාර්තාවේ අඩංගු කරුණු තමා පිළිගන්නා බවයි බ්‍රිතාන්‍ය අග්‍රාමාත්‍ය බොරිස් ජොන්සන් සදහන් කළේ. ඒ සම්බන්ධයෙන් ජනතාවගෙන් සමාව අයැද සිටින බවද අග්‍රාමාත්‍යවරයා පාර්ලිමේන්තුව අමතමින් පවසා සිටියා. කෙසේ වුවද බොරිස් ජොන්සන් අග්‍රාමාත්‍ය ධුරය දැරීමට කිසි ලෙසකින් සුදුසු පුද්ගලයෙකු නොවන බවයි විපක්ෂය චෝදනා කරන්නේ. ඔහු ධුරයෙන් ඉල්ලා අස්විය යුතු බවටද මේ වන විට දැඩි බලපෑමක් ගොඩනැගෙමින් පවතිනවා.
The post Lockdown සමයේ සාද පැවැත්වූ බ්‍රිතාන්‍ය අගමැති වරදකරුවෙකු වෙයි appeared first on ITN News.
Post a Comment