බ්‍රිතාන්‍යයේ සාමාන්‍ය උෂණත්වය සෙල්සියස් අංශක 42 දක්වා ඉහළ ගොස් තිබෙනවා. එය මෙතෙක් එරටින් වාර්තා වූ වැඩිම උෂ්ණත්වය ලෙසයි සැලකෙන්නේ.
මීට පෙර 2019 වසරේදී බ්‍රිතාන්‍යයෙන් වැඩිම උෂ්ණත්වය වාර්තා වූ අතර එහි අගය දැක්වුණේ සෙල්සියස් අංශක 38.7 ක් ලෙසයි. උෂ්ණත්වය ඉහළ යාමත් සමගම බ්‍රිතාන්‍යයේ මධ්‍යම උතුරු හා නිරිත දිග ප්‍රදේශවලට රතු නිවේදන නිකුත් කිරීමට කාලගුණ විද්‍යා දෙපාර්තමේන්තුව පියවර ගත්තා. අධික උෂ්ණත්වය හේතුවෙන් හට ගන්නා රෝගාබාධයන් සම්බන්ධයෙන් දැඩි අවධානයෙන් පසුවන ලෙස රජය ජනතාවගෙන් ඉල්ලා සිටිනවා. හිරු රෂ්මියට නිරාවරණය වීම හැකිතාක් අවම කරන ලෙසයි බලධාරීන් ජනතාවට දැනුම් දෙන්නේ. අධික උෂ්ණත්වයෙන් මිදීම සදහා ජල ස්නානය සදහා ගිය පුද්ගලයින් 04 දෙනෙකු දියේ ගිලීමෙන් ජීවිතක්ෂයට පත් වුණා. දුම්රිය ගමන්වාර රැසක් ද අත්හිටුවා ඇති බවයි එරට මාධ්‍ය සදහන් කරන්නේ.
The post බ්‍රිතාන්‍යයේ සාමාන්‍ය උෂණත්වය සෙල්සියස් අංශක 42 දක්වා ඉහළට appeared first on ITN News.
Post a Comment