කදුළු වායු උණ්ඩයක් සමඟ සැකකරුවකු අත්අඩංගුවට ගෙන තිබෙනවා. මෙය පසුගිය 13 වනදා පොලිස් ත්‍රීරෝද රථයෙන් පැහැරගත් උණ්ඩවලින් එකක් විය හැකි බවයි පොලීසිය පවසන්නේ.
පසුගිය 13 වනදා බත්තරමුල්ල පොල්දූව හන්දිය අසල විරෝධතාවක් අතරතුරදී පොලීසියට අයත් ත්‍රී රෝද රථයක තිබූ කදුලු උණ්ඩ විරෝධතාකරුවන් විසින් සොරාගෙන ගොස් තිබුණා. බස්නාහිර පළාත් දකුණු අපරාධ කොට්ඨාසයේ නිලධාරීන් මේ සම්බන්ධයෙන් විමර්ශන ආරම්භ කළා. ඒ අනුව ඇතුල්කෝට්ටේ ප්‍රදේශ‍යේ මාලිගාව මාවතේදී සැකකරුවෙකු අත්අඩංගුවට ගැනුණේ කදුළු වායු උණ්ඩයක් ද සමඟයි. අධිකරණයට ඉදිරිපත් කිරීමෙන් අනතුරුව ලබන 5 වනදා දක්වා රක්ෂිත බන්ධනාගාර ගත කර තිබෙනවා. වැලිකඩ පොලිසිය මේ සම්බන්ධයෙන් වැඩිදුර විමර්ශන සිදුකරනවා.
The post කදුළු වායු උණ්ඩයක් සමඟ සැකකරුවෙකු අත්අඩංගුවට appeared first on ITN News.
Post a Comment