ජනාධිපති මන්දිරය ඇතුළු පොදු දේපල වලට හානි කිරීම සම්බන්ධයෙන් නුවරඑළියේ දී අත්අඩංගුවට ගත් සැකකරුවන් පස් දෙනෙකු රක්ෂිත බන්ධනාගාර ගත කෙරුණා.
අධිකරණයෙන් ලබාගත් වරෙන්තුවකට අනුව පොලීසිය සැකකරුවෙකු අත්අඩංගුවට ගැනීමට ඔහුගේ නිවසට යන අවස්ථාවේ තවත් 4 දෙනෙකු එම නිවසේ නවාතැන් ගෙන සිට ඇති බවට හෙළිවී තිබෙනවා. ඔවුන් ගාලුමුවදොර පැවති අරගලයට සහාය දැක්වූ බවට හෙළිවීම හේතුවෙන් ප්‍රශ්න කිරීම් සිදුකෙරුණා. එහිදී ඔවුන් ප්‍රකාශ කර තිබුණේ වරෙන්තු මත අත්අඩංගුවට ගත් සැකකරු ගාලු මුවදොර අරගලයේ දි හඳුනාගත් අතර ඒ අනුව ඔහුගේ නිවසේ නවාතැන් ගෙන සිටි බවයි. ප්‍රශ්න කිරීම්වලින් අනතුරුව අත්අඩංගුවට ගත් සැකකරුවන් නුවරඑළිය මහේස්ත්‍රාත් අධිකරණයට ඉදිරිපත් කෙරුණා. ලබන මස 4 වනදා දක්වා ඔවුන් රක්ෂිත බන්ධනාගාර ගත කරන ලෙසයි එහි දී නියෝග කෙරුණේ. ඔවුන් බිංගිරිය , පිටිපන දකුණ , ගොතටුව , නුවරඑළිය බොනවිස්ටා සහ කළුකැලේ ප්‍රදේශවල පදිංචිකරුවන් බව පොලිසිය ප්‍රකාශ කරා.
මේ අතර ගාලු මුවදොර අරගලය 114 වන දිනටත් අද පැවැත්වුණා.
The post ජනපති මැදුරට හානි කිරීම සම්බන්ධයෙන් නුවරඑළියේ දී අත්අඩංගුවට ගත් පස් දෙනා රිමාන්ඩ් appeared first on ITN News.
Post a Comment