ප්‍රදේශ කිහිපයක සිදුකළ වැටලීම් වලින් ඉන්ධන සඟවා තැබූ පුද්ගලයින් හය දෙනෙකු අත්අඩංගුවට ගැණුනා.
පොළොන්නරුව මීගස්වැව ප්‍රදේශය කළ වැටලීමකදී ඩීසල් වැඩි මිලට අලෙවි කළ කාන්තාවක ඩීසල් ලීටර් 160 ක් සමඟ අත්අඩංගුවට ගත්තා. පෙට්‍රල් ලීටර් 40 ක් සඟවා තබාගෙන සිටි සැකකරුවෙකු මීගස්වැව යාය 8 ප්‍රදේශයේ දී අත්අඩංගුවට ගැණුනා.
අනාරක්ෂිත ලෙස ඉන්ධන ගබඩා කළ තවත් පුද්ගලයෙකු රාජාංගනය ගැමුණුපුර ප්‍රදේශයේ දී අත්අඩංගුවට ගැණුනා. පෙට්‍රල් ලීටර් 200 ක් සහ ඩීසල් ලීටර් 100 ක් ඔහු ළග තිබී අත්අඩංගුවට ගෙන තිබෙනවා.
මේ අතර පොලිස් විශේෂ කාර්ය බලකාය අම්පාර ප්‍රදේශයේ කළ වැටලීමක දී මිහිදුපුර ප්‍රදේශයේ පෙට්‍රල් ලීටර් 400 ක් සඟවාගෙන සිටි සැකකරුවන් තුන් දෙනෙකු අත්අඩංගුවට ගැණුනා. ඔවුන් සන්තකයේ තිබූ කැබ් රථයක් සහ වායු රයිෆලයක් ද සොයා ගැණුනා. සැකකරුවන් වයස අවුරුදු 28, 32 සහ 36 යන වයස් කාණ්ඩවල පසුවන්නන් බවයි පොලීසිය ප්‍රකාශ කළේ.
The post ඉන්ධන සඟවා ගෙන සිටි පුද්ගලයින් හය දෙනෙකු අත්අඩංගුවට appeared first on ITN News.
Post a Comment