රජය සහ ජාත්‍යන්තර මූල්‍ය අරමුදල අතර සාකච්ඡා ඉහළ ප්‍රගතියක් අත්කරගෙන ඇති බව ජනාධිපති මාධ්‍ය අංශයය සඳහන් කරනවා.
මේ අතර සර්ව පාක්ෂික ආණ්ඩුවක් සඳහා වන දේශපාලන සාකච්ඡා ද සාර්ථක මට්ටමක පවතින බවයි ජනාධිපති මාධ්‍ය අංශය නිකුත් කළ නිවේදනයේ තවදුරටත් සඳහන් වන්නේ.ආර්ථික අසීරුතා සමනය කොට යහපත් ආර්ථික පිළිවෙතක් රට තුළ ස්ථාපනය කිරීම සදහා රජය ජාත්‍යන්තර මූල්‍ය අරමුදලේ සහාය ලබාගැනීමේ අරමුණෙන් සිදු කෙරෙන සාකච්ඡා ඉහළ ප්‍රගතියක් අත්කරගෙන ඇති බව ජනාධිපති මාධ්‍ය අංශය පවසනවා. ජාත්‍යන්තර මූල්‍ය අරමුදල සමඟ පැවැත්වෙන සාකච්ඡාවල ප්‍රගතියක් අත්පත් කර ගැනීම සඳහා ණය තිරසර භාවය පිළිබඳ විධිමත් සැලැස්මක් ඉදිරිපත් කළ යුතුව තිබුණා. පසුගිය කාලයේ පැවති දේශපාලන අස්ථාවරත්වය හා ජාත්‍යන්තර මූල්‍ය අරමුදල සමඟ කටයුතු නොකරන බවට වූ පසුගිය රජයේ දේශපාලන ප්‍රතිපත්තිය හේතුවෙන් එය අඩාල වූ බවයි ජනාධිපති මාධ්‍ය අංශය පවසන්නේ. මේ වන විට ජනාධිපති රනිල් වික්‍රමසිංහ මහතා යටතේ පූර්ණ දේශපාලන ස්ථාවරත්වයක් සහිත රජයක් ස්ථාපනය කොට තිබෙනවා.ඒ අනුව ජාත්‍යන්තර මූල්‍ය අරමුදල සමඟ පවත්නා සාකච්ඡා සාර්ථකව අවසන් කොට මූල්‍ය ස්ථායීතාව ඇති කිරීම සඳහා අවශ්‍ය පළමු පියවර තැබිය හැකිය යන්න රජයේ ස්ථාවරය බවයි ජනාධිපති මාධ්‍ය අංශය තවදුරටත් සඳහන් කරන්නේ.
The post රජය සහ ජාත්‍යන්තර මූල්‍ය අරමුදල අතර සාකච්ඡා ඉහළ ප්‍රගතියක – ජනාධිපති මාධ්‍ය අංශය appeared first on ITN News.
Post a Comment