අයිස් මත්ද්‍රව්‍ය සහ කේරල ගංජා තොගයක් ළග තබාගෙන සිටි පුද්ගලයෙකු පමුණුගම ප්‍රදේශයේ දී විශේෂ කාර්ය බලකාය අත්අඩංගුවට ගත්තා.
විශේෂ කාර්ය බලකායේ ගෝනහේන කදවුරේ නිලධාරීන්ට ලැබුණු තොරතුරකට අනුව වැටලීම සිදුකෙරුණා. එහිදී අයිස් මත්ද්‍රව්‍ය ග්‍රෑම් 10 යි මිලිග්‍රෑම් 200 ක්, කේරල ගංජා ග්‍රෑම් 210 ක් මෙන්ම මත්ද්‍රව්‍ය ජාවාරමෙන් උපයාගත් රුපියල් 21,300 ක මුදලක්, ජංගම දුරකතන සහ විද්‍යුත් තරාදියක් ඇතුළු භාණ්ඩ රැසක් ද පොලීසිය සොයාගෙන තිබෙනවා.
මේ අතර රූපමය අවවාද සටහන් නොකර දුම්වැටි තොගයක් සමඟ සැකකරුවෙකු විශේෂ කාර්ය බලකාය මගින් අත්අඩංගුවට ගත්තා. එම දුම්වැටි අලෙවි කිරීමට සූදානම් කර තිබියදී රුපියල් ලක්ෂ 19 කට අධික වටිනාකමකින් යුත් දුම්වැටි තිස්දහසක් සමග මාලිගාවත්ත ප්‍රදේශයේ පදිංචි 54 හැවිරිදි පුද්ගලයෙකුයි මෙලෙස අත්අඩංගුවට පත්වුණේ.
The post අයිස් මත්ද්‍රව්‍ය සහ කේරල ගංජා තොගයක් සමඟ සැකකරුවෙකු අත්අඩංගුවට appeared first on ITN News.
Post a Comment