වයස අවුරුදු 20 ට වැඩි පුද්ගලයින්ගෙන් කොරෝනා වෛරසයට එරෙහි COVID-19 එන්නත් මාත්‍රාව කොළඹ මහ නගර සභාව තුළ එන්නත් මධ්‍යස්ථානවලින් අද ලබා ගන්නා ලෙස කොළඹ ප්‍රාදේශීය වසංගත රෝග විද්‍යාඥ වෛද්‍ය දිනු ගුරුගේ ඉල්ලා සිටිනවා.
එන්නත ලබා ගැනීමට සුදුසුකම් ලබන පුද්ගලයින් වයස අවුරුදු 20 ට වැඩි විය යුතු අතර ඔවුන්ගේ කොවිඩ් අසාදිතව සිටියේනම් සුව වී මාස තුනක් සම්පූර්ණ කර තිබිය යුතු බව ඇය සඳහන් කරනවා.
පළමු, දෙවන, තෙවන සහ සිව්වන ෆයිසර් කොවිඩ් ලබා ගැනීම සඳහා ගින්තුපිටියේ MOH කාර්යාලය, MCH සහ ඩීන්ස් පාරේ MOH කාර්යාලය, නව බසාර් මාතෘ නිවාසය, වැල්ලවත්තේ MOH කාර්යාලය, කැම්බල් පාර්ක් සහ කිරුළ පාරේ MOH කාර්යාලය වෙත පැමිණෙන ලෙස ජනතාවට උපදෙස් ලබා දී තිබෙනවා. COVID-19 එන්නත් මාත්‍රා අද පෙරවරු 9.00 සිට පස්වරු 1.00 දක්වා එම ස්ථාන වලදී එන්නත් කරගත හැකියි.
කෙසේ වෙතත්, සෞඛ්‍ය අමාත්‍යාංශය පැවසුවේ සිව්වන මාත්‍රාව වයස අවුරුදු 20 ත් 60 ත් අතර පුද්ගලයින් සඳහා සහ ප්‍රතිශක්ති ඌනතා සහ නිදන්ගත ආබාධ සහිත පුද්ගලයින් සඳහා නිර්දේශ කරන බවයි.
The post කොළඹ මහ නගර සභාවේ එන්නත් මධ්‍යස්ථානවලින් ෆයිසර් එන්නත අද appeared first on ITN News.
Post a Comment