රුපියල් කෝටි 17 කට අධික වටිනාකමින් යුත් කේරළ ගංජා තොගයක් සමග සැකකරුවන් දෙදෙනෙකු යාපනයේදී අත්අඩංගුවට ගෙන තිබෙනවා.
යාපනය කරෙයිනගර් වෙරළ තීරයට ඔබ්බෙන් වූ මුහුදු තීරයේදී නාවික හමුදාව සැකකටයුතු ඩිංගි යාත්‍රාවක් පරීක්ෂාවට ලක් කළා. එහිදී කේරළ ගංජා කිලෝග්‍රෑම් 575 යි ග්‍රෑම් 600 ක් සොයා ගත් බව නාවික හමුදාව පවසනවා.
සැකකරුවන් දෙදෙනෙකුද අත්අඩංගුවට ගැණුනු අතර ගංජා තොගය පාර්සල් 17 ක් ලෙස අසුරා තිබූ බවයි නාවික හමුදාව පවසන්නේ. ඉන්දියාවේ සිට මුහුදු මාර්ගයෙන් මෙම කේරළ ගංජා තොගය රැගෙන විත් ඇති බව මූලික විමර්ශනවලදී හෙළි වුණා. සැකකරුවන් හා කේරළ ගංජා තොගය වැඩිදුර පරීක්ෂණ සදහා කයිට්ස් පොලිස් ස්ථානය වෙත භාරදීමටයි නාවික හමුදාව කටයුතු කළේ.
The post කේරළ ගංජා තොගයක් සමඟ සැකකරුවන් දෙදෙනෙකු අත්අඩංගුවට appeared first on ITN News.
Post a Comment